Арыҫлан Мөбәрәков исемендәге Сибай дәүләт драма театрында коллективтың сираттағы дөйөм йыйылышы үтте. Алдағы байрамдарға әҙерлек, Өфөгә һәм Туймазы районына гастролдәр мәсьәләләрен һәм дөйөм ойоштороу мәлдәре буйынса фекер алышыу булды.
Беренсе профсоюз ойошмаһының профсоюз комитеты рәйесен һәм активын асыҡ тауыш биреү юлы менән яңынан һайлау үтте. Рәйес итеп Сәйетов Нәфис Урал улы билдәләнде. Яңы составҡа уңышлы һәм емешле эш теләйбеҙ!
Шулай уҡ дөйөм йыйылышта күп йыллыҡ намыҫлы хеҙмәте өсөн Сибай ҡалаһы Хакимиәтенең Почет грамотаһы менән театр актрисаһы Зәйнуллина Айгөл Рәйес ҡыҙы бүләкләнде.