Башҡортостан Республикаһының Театр эшмәкәрҙәре союзы ҡарамағындағы йәштәр советының йомғаҡтары буйынса Арыҫлан Мөбәрәков исемендәге Сибай дәүләт башҡорт драма театры артисы СӘЙЕТОВ НӘФИС УРАЛ улы “Бер үҙе өсәүҙәй” номинацияһында еңеүсе тип танылды. Был награда уға башҡорт яҙыусыһы һәм йәмәғәт эшмәкәре Дауыт Юлтыйҙың “Әлимә, йәки Мырҙаш ҡарт туйы” повесы буйынса Зөһрә Бураҡаева инсценировкаһындағы спектаклдә Әсхәл, Мулла һәм Имәнғол ролдәрен башҡарыу өсөн бирелде.
Ихлас күңелдән ҡотлайбыҙ һәм яңынан – яңы ижади уңыштар теләйбеҙ!