11 ноябрҙә Өфөнөң «Нур» татар дәүләт театрының ҙур залында Башҡортостан Республикаһының Театр эшмәкәрҙәре союзы ҡарамағындағы йәштәр советының премияларын тапшырыу тантанаһы үтте, унда 2023-2024 йылдарҙа театр миҙгеленең премьераларын ҡарауға йомғаҡ яһалды.
А.Мөбәрәков исемендәге Сибай дәүләт башҡорт драма театрынан Айгөл Ғөбәйҙуллина «Әлдермештән Әлмәндәр» спектаклендә Илсур роле өсөн махсус «Перевоплощение» призына лайыҡ булды.
Айгөлдө лайыҡлы награда менән ҡотлайбыҙ! Уға артабан да ижади уңыштар, яңы сағыу ролдәр һәм илһам теләйбеҙ! Театр сәхнәһендәге тормошо яңы ҡаҙаныштар һәм уңыштар менән тулы булһын!