Медведь

Медведь

Әстәғәфирулла!

Ой, кто там лежит?!

Был хәтәр комедия мөхәббәт, көнләшеү, тормоштағы баш ҡатырғыс хәлдәр тураһында. Ҡарағыҙ, бәлки, сәхнәлә Һеҙ үҙегеҙҙе лә танырһығыҙ һәм һынығыҙ ҡатҡансы көлөрһөгөҙ.

Вариҫ

Потомок

Драмалағы ваҡиғалар ике дәүер араһында, Бөйөк Ватан һуғышы менән бөгөнгө көндәрҙә бара. Осраҡлы рәүештә крайҙы өйрәнеү музейына барған йәш егет аңғармаҫтан үткән заманға, һуғыш осорона, эләгә. Бында ул 1942 йылдың шаһиттары булған хәрби врач, медсестра, яралы ҡыҙылармеец һәм НКВД капитаны менән осраша. Киләсәктән килгән сәйер ҡунаҡты драма персонаждары һәр береһе үҙенсә ҡабул итә: берәүҙәре уны дезертир, тип һанай, икенселәре немец шпионына тиңләй. «Вариҫ» («Потомок») пьесаһы өсөн авторы Владимир Жеребцов «Современная драматургия» журналының премияһы менән бүләкләнгән.

Алты ҡыҙға бер кейәү

Одинокий свет души

Күпселеге ҡатын-ҡыҙҙарҙан торған бухгалтерияла бер бөртөк кенә, бик сәйер Рәхмәтулла исемле ир эшләй. Ул коллегаларына ҡарата бик йылы мөнәсәбәттә, хатта ҡыҙҙарҙың илһам сығанағы булып тора, тик үҙенең тормошо серле булып ҡала. Исмаһам ҡатындарҙың береһе булһа ла ир кешенең шәхсән тормош драмаһын аңлармы?

Доктор

Доктор

Тамашалағы ваҡиғалар билдәле мәҙәниәт хеҙмәткәрҙәре өсөн махсус асылған Ҡарттар йортонда бара. Был учреждениела ваҡыт туҡтап ҡалған кеүек тойола, әммә ул сәнғәткә хас тиҙлектә дауам итә. Спектакль барышында Һеҙ хаҡлы ялдағы артистар нисек көн үткәреүен күрерһегеҙ, уларҙың үҙ-ара ғәҙәти тормошҡа хас булмаған аралашыуына шаһит булырһығыҙ, был йортҡа нисек эләгеүҙәре тарихтарын ишетерһегеҙ – кемдер бында үҙ теләге менән килгән, кемделер балалары алып килеп тапшырған. Сәхнәлә йәш доктор хасил булыу мәленән ваҡиғалар тик ыңғай яҡҡа үҙгәрә башлай. Баҡтиһәң, уның бында эшкә урынлашыуының үҙ тарихы, аныҡ маҡсаттары бар икән дә баһа! Спектаклдең финалы бөтөнләй уйламағанса тамамлана, сөнки тормош бит күп ҡырлы һәм хикмәтле!

Һинән - фатир, минән - ир!

Бартер

Берәүҙәрҙең фатиры бар, икенселәр кеше тупһаһында йәшәргә мәжбүр. Билдәле драматург Наил Ғәйетбайҙың комедияһындағы төп персонаждар нәҡ шул ике яҡ кешеләре. Нисек тә булһа фатирлы булыр өсөн улар төрлө хәйлә ҡорорға әҙерҙәр. Автор үҙенең геройҙарын тормоштоң төрлө ситуациялары аша һынай. Ваҡиғалар ҡай саҡ көлкөлө, хатта әҙәм ышанмаҫлыҡ булып китә.

ҠанАтлы генерал

КрылАтый генерал

Арҙаҡлы шәхес, башҡорт совет хәрби һәм дәүләт эшмәкәре, Бөйөк Ватан һуғышында ҡатнашыусы, генерал-майор, Советтар Союзы Геройы Таһир Тайып улы Күсимов тураһындағы хәрби драма жанрындағы спектакль берегеҙҙе лә битараф ҡалдырмаҫ. Утлы Сталинградтан Берлинғаса данлы юл үткән яугирҙың батырлыҡтары һоҡландыра, йәш быуынға үрнәк булып тора. Уның образы халыҡ батыры кимәленә тиң, ҡыйыулығына Советтар Союзы маршалы Семен Михайлович Буденный һоҡланған. Мәскәүҙә Ҡыҙыл майҙанда үткән Еңеү парадында байраҡсы булған башҡорт генералы тураһындағы героик спектаклде ҡарағыҙ, һоҡланығыҙ!

Әлдермештән Әлмәндәр

Старик из деревни Альдермыш

Был спектаклдә 91 йәшлек Әлмәндәр тураһында белерһегеҙ. Ул оло йәштә булыуына ҡарамай, тормошона ҡыуанып, киләсәккә өмөт бағлап йәшәй, хатта Әжәлдең үҙе менән бәхәсләшә. Әлмәндәрҙе Үлем үҙе менән алып китергә килгән көндә мажаралы ваҡиғалар башлана... Был тамашала: - күңеле йәш аҡыл эйәһен, - Үлем менән Тормош араһындағы зәһәр бәхәсте, - тәрән фәлсәфәүи фекерҙәрҙе, - шаян һәм тос юмор күрерһегеҙ. Күңел күтәренкелеген юғалтмай, йәш булып ҡалыр өсөн көс тупларһығыҙ. Ябайлыҡта бөйөклөк эҙләүселәр өсөн был спектаклде ҡарау бик тә файҙалы булыр. Күңелле тамашаны бергәләп ҡарайыҡ, ихласлап ҡыуанайыҡ! Рәхим итегеҙ!

Өҙөлгән өмөт

Прерванная надежда

Спектаклдә атай-әсәй иғтибарына мәхрүм булған, алама компанияға эләккән йәш егет тураһында һөйләнелә. 😱 🫣 Ғаиләләге ығы-зығы арҡаһында йәшәү мәғәнәһен юғалтыу уның тормошон насар эҙемтәләргә алып килә. 😔 ⚡ 📌 Әҫәрҙең төп темаһы – алама ғәҙәттәрҙән ҡотолоу өсөн ғаиләләге тәрбиәнең иң мөһим булыуы тураһында.