Авторы- БР-ҙың атҡаҙанған артисткаһы Сулпан Әбдрәхимова.
Ҡуйыусы-режиссер – БР-ҙың атҡаҙанған артисы һәм атҡаҙанған сәнғәт эшмәкәре Сәлихйән Әфләтунов.
Композитор – Рәмил Мәхийәнов.
Ҡом буйынса рәссам – Екатерина Король

Булған бит интернетһыҙ һәм кеҫә телефонһыҙ замандар. Ғашиҡтар һөйөү һүҙҙәрен бер-береһенә хаттар аша еткергән. Хаттарҙың ҡай саҡ адресатына барып етмәүен кем уйлаһын инде! Көнсөл берәй әҙәм ғашиҡтарҙың бергә булыуын теләмәүе мөмкин. Әммә һәр аҫтыртын эш фашлана. Был мәкер ҙә асыла. Әммә йәш саҡтағы мөхәббәт һаҡланып ҡалғанмы? Тамашасылар был һорауға яуапты “Тапшырылмаған хаттар” спектаклен ҡарағанда табыр.
Спектаклдә Арыҫлан Мөбәрәков исемендәге Сибай дәүләт башҡорт драма театры артистары ҡатнаша: Айгөл Хәкимова- БР-ҙың атҡаҙанған артисткаһы, Салауат Вәлиев – БР-ҙың атҡаҙанған артисы, Рима Ғәйнуллина – театр актрисаһы.